Kveðjustund Hönnu
Í gær fimmtudaginn 13.mars kvöddum við Hönnu iðjuþjálfanema frá Finnlandi sem er búin að vera með okkur í tvo mánuði.
Takk fyrir samveruna Hanna!
Leiklistaráhugafólk sameinist!
LIST ÁN LANDAMÆRA – Á MÖRKUNUM
Auglýst er eftir skapandi fólki til að vera með og skemmta sér saman við að búa til gjörninga- og götuleikhús þar sem fjallað verður um allt og alla sem eru á mörkunum.
Okkur vantar leikara, söngvara, hljóðfæraleikara, leikstjóra, búningahönnuði, sminkur, höfunda, hugmyndasmiði og fjöllistamenn
Næsti undirbúningsfundur verður miðvikudaginn 19. mars, kl. 15 – 17 (þrjú til fimm) í Hlutverkasetri.
LEIKHÓPUR HLUTVERKASETURS
SÝNIR LAUGARDAGANA 12. OG 26. APRÍL
Leiklistarstarf Hlutverkaseturs nýtur styrks
Góðir gestir komu í Hlutverkasetur miðvikudaginn 6. mars. Það voru þau Ólafur Ó Johnson og Valdís Albersdóttir sem fyrir hönd Ó Johnsons og Kaaber veittu List án landamæra og Hlutverkaseturleiklistahópnum styrk til þátttöku í listahátíðinni List án landamæra. Hátíðin verður haldin um allt land í apríl og maí og mun leiklistahópur Hlutverkaseturs vera með ýmsa gjörninga á þessu tímabili. Þau Trausti Ólafsson leiklistakennari í Hlutverkasetri og Íris Stefanía Skúladóttir fulltrúi List án landamæra veittu styrknum móttöku.
f.v. Valdís Albersdóttir, Ólafur Ó Johnson, Elín Ebba Ásmundsdóttir, Sylviane Pétursson, Íris Stefanía Skúladóttir, Hlynur Jónasson, Trausti Ólafsson