Fimmtudaginn 29. Júlí förum við í gönguferð frá Hlutverkasetrinu Borgartúni 1 á Esjuna. Mæting er í Hlutverkasetri kl. 11:30 og þaðan sameinast í bíla og farið að Esjunni. Mikilvægt er að vera í þægilegum fatnaði og góðum skóm og þeir sem eiga göngustafi mega endilega taka þá með(ekki nauðsynlegir). Gott að er taka með sér smá nesti og drykkjarföng fyrir gönguna.
Allir velkomnir með en athugið að þið eruð á ykkar ábyrgð og við viljum endilega að áhugasamir skrái sig í síma 517-3471.
Öndunarjóga er komið í sumarfrí og verður auglýst nánar með haustinu.
Magadansinn byrjar aftur á mánudaginn 26.júlí.
Gönguferð morgundagsins er upp Úlfarsfellið, líkt og áður er lagt af stað kl: 13 og því mikilvægt að vera mættur tímalega. Klæðið ykkur samkvæmt veðri og takið með smá nesti. Allir velkomnir
Athugið að akrýlmálunin fellur niður á morgunn.
Á fimmtudaginn 15. Júlí förum við í gönguferð frá Hlutverkasetrinu Borgartúni 1 í Nauthólsvíkina. Við leggjum af stað kl: 13 og byrjum á því að ganga upp í Öskjuhlið og þræðum þar göngustíg að Nauthólsvík. Þar sem veðurútlit er gott munum við setjast niður og njóta strandarinnar, borða nesti og jafnvel sóla okkur aðeins. Verið því viðbúin góðviðri og takið með ykkur nesti og eitthvað til að sitja á í sandinum. Allir velkomnir með en athugið að þið eruð á ykkar ábyrgð og við viljum endilega að áhugasamir skrái sig í síma: 517-3471.
Tilkynningar | 26. July, 2010 | 
Comments Off 
