Hlutverkasetur

Nýtt! Haustkransagerð

stina — Fri, 03 Sep 2010 15:24:28 +0000

Mánudaginn 13. september kl. 10.00 verður G. Brynja Bárðardóttir, kennari í Lbhí, með námskeið í haustkransagerð. Við þurfum að skreppa út fyrir malbikið og leita uppi efni i í kransinn þ.e. sortulyng, beitilyng, mosa, reyniber og grasinu og/eða annað sem hægt er að nýta og mæta með á staðinn.
Skráning fyrir miðvikudaginn 8. september í síma 517-3471.

Borgarafundur um málefni bótaþega og láglaunaþega

stina — Fri, 03 Sep 2010 08:44:29 +0000

Athugið eftirfarandi auglýsingu um borgarafund sem ber yfirskriftina Fátækt á Íslandi - lágmarksframfærsla. Fundurinn verður haldinn næstkomandi miðvikudag 8.sept, kl 20:00 í Ráðhúsi Reykjavíkur. Við hvetjum alla sem láta sig þetta málefni varða að fjölmenna á fundinn.
Smelltu hér til að sjá auglýsinguna

Starfsdagur 2010

stina — Thu, 02 Sep 2010 08:46:05 +0000

Starfsdagur verður haldinn föstudaginn 10. september. Þá komum við öll saman og ræðum starfsemina sem hér fer fram. Við erum hér fyrir ykkur og því er mikilvægt að fá ykkar mat á því hvað gangi vel, hvað megi betur fara, hverju sé ábótavant og óskir ykkar og langanir um áframhaldið. Vonandi getum við komið til móts við flestar tillögur og óskir sem lagðar verða fram.
Starfsemi Hlutverkaseturs þróast ekki í rétta átt án ykkar aðkomu.

Boðið verður upp á morgunverð og hádegisverð og svo megum við eiga von á óvæntum uppákomum.
Nánari dagskrá auglýst síðar.
Nauðsynlegt er að skrá þátttöku.

Myndlist hjá Önnu

stina — Wed, 01 Sep 2010 10:19:27 +0000

Athugið að nú verður olíumálun í boði bæði þriðjudaga og miðvikudaga kl. 10 - 12. Litir, penslar og strigar á staðnum. Allir velkomnir

Kennsla í ljósmyndun og vinnslu - Kynningafundur

stina — Mon, 30 Aug 2010 12:58:16 +0000

Kynningarfundur verður haldinn 1. september nk. á einstaklings-miðaðri kennslu á myndavélar, ljósmyndun og myndvinnslu. Mönnum er boðið að koma með myndavélar sínar og fá leiðbeiningar í stillingamöguleikum þeirra á kynningarfundinum. Menn geta síðan samið um framhald við leiðbeinandann.

Komdu með þína eigin myndavél (lánsvél einnig í boði).
Leiðbeinandi: Jón Sigurgeirsson
Jón hefur lokið prófi í ljósmyndun frá Tækniskólanum

Tími: miðvikudagur 1. September kl. 13.00

Leiklist til sjálfsræktar byrjar aftur

stina — Mon, 30 Aug 2010 12:47:08 +0000

Á námskeiðinu gefst þátttakendum kostur á að vinna á leikrænan, skapandi og skemmtilegan hátt til að hafa áhrif á eigið líf, tilfinningar og hugsanir. Námskeiðið hentar öllum þeim sem áhuga hafa á sjálfsrækt og leiklist jafnt fagfólki sem áhugafólki. Engar kröfur um sértæka forþekkingu eða hæfileika eru gerðar til þátttakenda.

Kennari er Trausti Ólafsson. Hann hefur í mörg ár unnið með leiklist sem tæki til geðræktar og er einnig doktor í leiklistarfræðum.

Tími: mánudagar kl. 14.00 – 16.00
Þátttaka tilkynnist í síma 517-3471 eða 695 9285

Vinátta í gleði og sorg

helga — Thu, 26 Aug 2010 11:16:17 +0000

Gigga hómópati flytur stutt erindi um vináttuna í gleði og sorg - umræður og spjall á eftir.
Í dag kl. 13.00

Menningarnótt

stina — Tue, 17 Aug 2010 18:29:22 +0000

Laugardaginn næstkomandi verður Menningarnótt haldin hátíðleg og að venju ætlum við að taka þátt í henni.
Við verðum fyrir framan verslunina Janus, Laugavegi 25 frá kl. 14-16.
Við verðum í banastuði með trommuhring og verum því í takt við þemað sem í ár er: Strætin óma.
Trommurnar verða tákn Evrópuársins sem er: Gegn fátækt og félagslegri einangrun.
Að sjálfsögðu gefum við ókeypis faðmlög að venju. Endilega takið þátt með okkur og ekki væri verra að þið létuð okkur vita.

Lokað

helga — Mon, 16 Aug 2010 15:28:51 +0000

Hlutverkasetur verður lokað frá kl. 12.00 föstudaginn 20.ágúst

vegna jarðarfarar Hallgríms Björgvinssonar.

helga — Thu, 12 Aug 2010 14:12:37 +0000

Okkar kæri samstarfsmaður, Hallgrímur Björgvinsson er látinn langt um aldur fram. Hallgrímur var brautryðjandi, einn af stofnendum Hugarafls og tók þátt í þróun starfsemi Hlutverkaseturs. Hann var starfsmaður Notandi Spyr Notanda verkefnisins. Við minnumst hans með hlýju og virðingu. Hans er sárt saknað.